घानामा डुङ्गा दुर्घटनामा पाँच जनाको मृत्यु
दक्षिणी घानाको भोल्टा तालमा एउटा डुङ्गा पल्टिँदा कम्तीमा पाँच जनाको मृत्यु भएको स्थानीय अधिकारीहरूले पुष्टि गरेका छन् ।
ग्रेटर अक्रा क्षेत्रको अडानजिकैको अजिजान्याबाट करिब २५ जना लिएर जाँदै गरेको यात्रुवाहक डुङ्गा एक शक्तिशाली आँधीपछि पल्टिएको अजिजाकपे निर्वाचन क्षेत्रका सभासद ड्यानियल एडजाक्पाले बताए ।
उनले डुङ्गामा क्षमता भन्दा बढी सवार रहेका र सबै यात्रुले लाइफ ज्याकेट नलगाएका बताए । आँधीले डुङ्गालाई दुई टुक्रा पारेको र सबै यात्रुलाई नदीमा फ्याँकेको जनकारी दिए ।
उद्धारकर्ताहरूले तालमा फसेकाको खोजी गरिरहेका राष्ट्रिय प्रकोप व्यवस्थापन संगठनका आडा जिल्ला संयोजक एबेनेजर तेये–नार्टे किसेहले बताए ।
