ट्रम्पले गरेको विवादास्पद फोन कलका जानकार दोस्रा उजुरीकर्ता
अमेरिकी राष्ट्रपति डोनल्ड ट्रम्पले युक्रेनी राष्ट्रपति भोलोदिमिर जेलेन्स्कीलाई गरेको विवादास्पद फोन कलका अर्का एकजना जानकारले पनि उजुरी गरेका छन्।
उनका वकिल, जसले पहिलो उजुरीकर्ताको पनि मुद्दा हेरेका छन्, का अनुसार यी दोस्रा उजुरीकर्तासँग उक्त फोनवार्ताको प्रत्यक्ष जानकारी छ र उनले जासुसी निकायको अनुगमन गर्ने उच्च अधिकारीसँग पनि कुरा गरिसकेका छन्।
दोस्रो उजुरी परेपछि विपक्षी डेमोक्रेटिक पार्टीले राष्ट्रपति ट्रम्पविरुद्ध महाअभियोगको विषयमा छानबिन अगाडि बढाएको बीबीसीले जनाएको छ । डेमोक्रेटिक सांसदहरुले वास्तविकताबारे जानकारी गराउन अमेरिकी सदन र विदेशीमन्त्री माइक पोम्पोओसँग माग गरेका छन् ।
ट्रम्पले युक्रेनी राष्ट्रपतिसँगको फोन कुराकानीमा सन् २०२० मा हुने राष्ट्रपतीय चुनावमा उनका सम्भावित प्रत्यासी जो बाइडनविरुद्ध भ्रस्टाचारको मुद्दा चलाउन आग्रह गरेको भन्दै विरोध भइरहेको छ ।
अमेरिकी राष्ट्रपति कार्यालयले भने दुवै उजुरीका बारेमा अहिलेसम्म कुनै प्रतिक्रिया जनाएको छैन
