विश्वमा कोरोना संक्रमितको संख्या ७ कारोड ३१ लाख नाघ्यो,पाँच करोड १२ लाख संक्रमणमुक्त

विश्वमा कोरोना भाईरस संक्रमितको संख्या ७ करोड ३१ लाख नाघेको छ । पछिल्लो २४ घण्टामा ५ लाख १७ हजार भन्दाबढीमा संक्रमण पुष्टि भएसँगै विश्वभर संक्रमितको संख्या ७ करोड ३१ लाख ७० हजार ७१० पुगेको छ । यस्तै, पछिल्लो २४ घण्टामा ८ हजार ३४७ जना संक्रमितको मृत्यु भएको छ । यो संगै कोरोनाका कारण मृत्यु हुनेको संख्या १६ लाख २७ हजार २५२ पुगेको छ ।

संक्रमितमध्ये हासम्म ५ करोड १२ लाख ९० हजार ३६९ जना संक्रमणमुक्त भएका छन्। विश्वमा २ करोड २ लाख ५३ हजार भन्दाबढी सक्रिय संक्रमित छन् भने १ लाख ६ हजार ३०१ जना गम्भीर बिरामी छन्।

कोरोनाबाट सबैभन्दा बढी प्रभावित अमेरिकामा संक्रमितको संख्या १ करोड ६९ लाख ३३ हजार ९९४ पुगेको छ । संक्रमितमध्ये अहिलेसम्म ९८ लाख ५२ हजार १४५ जना संक्रमणमुक्त भएका छन् । कोरोना संक्रमणका कारण मृत्यु हुनेको संख्या ३ लाख ८ हजार नाघेको छ । पछिल्लो २४ घण्टामा १ लाख ८९ हजार ८१९ जना संक्रमित भएका छन् भने १ हजार ५२२ जनाको मृत्यु भएको छ ।

त्यसैगरी, भारतमा सक्रमितको संख्या ९९ लाख ६ हजार ५०७ पुगेको छ । संक्रमितमध्ये एक लाख ४३ हजार बढीको मृत्यु भइसकेको छ भने हालसम्म ९४ लाख २१ हजार भन्दा बढी संक्रमणमुक्त भएका छन् । ब्राजिलमा कोरोना भाइरसबाट सङ्क्रमित हुनेको संख्या ६९ लाख २९ हजार नाघेको छ भने १ लाख ८१ हजार ९४५ जनाको मृत्यु भएको छ । संक्रमितमध्ये ६० लाख १६ हजार भन्दा बढी निको भएका छन् ।