इराकी प्रधानमन्त्री इरानमा
इराकी प्रधानमन्त्री मुस्ताफा अल–कादिमी इरान पुगेका छन् । उनी आइतबार इरानको राजधानी तेहरान पुगेका हुन् । समाचार एजेन्सीहरुका अनुसार प्रधानमन्त्री मुस्ताफाले इराकको उच्चस्तरीय राजनीतिक तथा आर्थिक टोलीको नेतृत्व गरी इरान पुगेका हुन् ।
उनले इरानका आफ्ना समकक्षीसँग विभिन्न द्धिपक्षीय तथा अन्य आन्तरिक विषयमा वार्ता गर्ने बताइएको छ । प्रधानमन्त्री मुस्ताफाले इरानी राष्ट्रपति इब्राहिल राइसीसँग वार्ता गर्नेछन् ।
त्यसक्रममा उनीहरुबीच आपसी हितका साथै क्षेत्रीय र अन्तर्राष्ट्रिय विषयहरुमा कुराकानी हुने बताइएको छ । साथै वार्तापछि इराक र इरानका विभिन्न सहमति र समझदारी हुने पनि बताइएको छ । तर के कति विषयमा यी दुई देशका बीचमा सहमति हुदैछ भन्ने बारेमा भने केही बताइएको छैन ।
