बस दुर्घटनामा परी दाङमा १४ जना घाइते
दाङ । दाङमा बस दुर्घटना हुँदा १४ जना घाइते भएका छन् । पोखराबाट सुर्खेत गइरहेको ग १ख ८४८५ नम्बरको बस सोमवार बिहान ५ बजे दुर्घटनामा परेको हो ।
पूर्वपश्चिम राजमार्ग अन्तर्गत लमही–४ वनगाउँको बबइसोता पुलको साइडमा दुर्घटना परेको जिल्ला प्रहरी कार्यालय दाङका डिएसपी जनकबहादुर मल्लले जानकारी दिएका छन् ।
बस अनियन्त्रित भइ सडकदेखि १० मिटर तल खसेको उनले बताए । घाइतेलाई उपचारका लागि लमही अस्पताल लगिएको छ । प्रहरीले बस चालक रामेछापको सुनपति गाउँपालिका–३ का रामकृष्ण खड्कालाई नियन्त्रणमा लिएको छ ।
