सुशीला थिङ कांग्रेस संसदीय दलको सचेतकमा नियुक्त
काठमाडौं । नेपाली कांग्रेस संसदीय दलको सचेतकमा सुशीला थिङ नियुक्त भएकी छन्। बिहीबार कांग्रेस सभापति तथा संसदीय दलका नेता शेरबहादुर देउवाले उनलाई सचेतकमा नियुक्त गरेका हुन्।
नेपाली कांग्रेस संसदीय दलको विधान (संशोधन तथा परिमार्जनसहित, २०७४)को धारा १३ को उपधारा (२)बमोजिम प्रतिनिधि सभा सदस्य थिङलाई प्रतिनिधि सभाको सचेतक पदमा मनोनयन गरिएको सभापति देउवाका निजी सचिव केशवराज जोशीले जानकारी दिएका छन्।
