बजार पसल आफूखुसी खोलेकोप्रति मुख्यमन्त्री पोखरेल असन्तुष्ट
काठमाडौं । प्रदेश पाँचका मुख्यमन्त्री शंकर पोखरेलले व्यापारीहरुले आफुखुसी व्यवसाय सञ्चालन गर्न थालेकामा असन्तुष्टि जनाएका छन् ।
सामाजिक संजाल फेसबुकमार्फत उनले आफूखुसी बजार खोल्दा समुदायमा कोरोना भाइरस फैलिए कसले जिम्मेवारी लिने भनी प्रश्न गरेका छन् । लकडाउनको स्वरुप परिवर्तन नगरेको भन्दै व्यापारीले बिहीबारदेखि बजार पसल खोल्न थालेपछि पोखरेलको यस्तो भनाई आएको हो । व्यवसायीले बिहीबारदेखि सुरक्षात्मक उपाय अपनाएर बजार पसल खोल्ने थालेका छन् ।