एमाले नेता ऐन महरविरुद्धको बलात्कार मुद्दाको अनुसन्धान अघि बढाउन उच्च अदालतको आदेश
काठमाडौं । नेकपा एमालेका नेता ऐन महरविरुद्ध बलात्कार मुद्दाको अनुसन्धान अघि बढाउन उच्च अदालत पाटनले परमादेश जारी गरेको छ ।
बुधबार न्यायाधीशद्वय ब्रजेश प्याकुरेल र कृष्णराम कोइरालाको इजलासले पीडितले दिएको जाहेरी तत्काल दर्ता गरी महरविरुद्ध अनुसन्धान अघि बढाउन प्रहरी र सरकारी वकिलका नाममा परमादेश जारी गरेको हो । महरविरुद्ध अनुसन्धानको माग गर्दै पीडित महिलाले काठमाडौँ प्रहरी परिसरमा जाहेरी दिएकी थिइन् ।
तर जाहेरीमा अनुसन्धान नै नगरी प्रहरीले तामेलीमा राखिदिएपछि पीडितले उच्च अदालतमा रिट दायर गरेकी थिइन् ।
पीडितको मागबमोजिम उच्च अदालतले अनुसन्धान अघि बढाउने परमादेश जारी गरेको हो । महर एमाले केन्द्रीय सदस्य हुन् भने अनेरास्ववियुका पूर्वअध्यक्ष हुन् ।
