सडकमा तरकारी फालेर चितवनका किसानको विरोध प्रदर्शन
भरतपुर । भारतीय तरकारीका कारण नेपाली तरकारीले बजार नपाएको भन्दै चितवनका किसान आन्दोलित बनेका छन् ।
शुक्रबार चितवनका किसानले सरकारको ध्यानाकर्षण गराउन नारायणगढको पुल्चोकमा हजारौँ किलो तरकारी सडकमा खन्याएर विरोध प्रदर्शन गरेका हुन् ।
भारतबाट अवैध रुपमा भित्रिने तरकारीका कारण स्थानीय उत्पादले बजार भाउ पाउन सकेको छैन भने प्रशासनले अवैध तरकारी भित्रिन नदिन यथेष्ठ पहल गर्न नसकेको आरोप विरोध प्रदर्शनमा उत्रिएका किसानहरुले लगाएका छन् ।
आफूहरुले उत्पादन गरेको तरकारीले बजार नपाएपछि चितवनका किसानहरु चिन्तामा परेका छन् ।
