मुगुमा कांग्रेसका ऐनबहादुर शाही विजयी
मुगु । हिमाली जिल्ला मुगुको प्रतिनिधिसभा क्षेत्रतर्फ सत्ता गठबन्धनबाट नेपाली कांग्रेसका उम्मेदवार ऐनबहादुर शाही विजयी भएका छन् । नेकपा एमालेका राजबहादुर कार्कीलाई ३ हजार ९९४ मतान्तरले पछि पार्दै शाही विजयी भएका हुन् । शाहीका पक्षमा १४ हजार ७०२ मत आउँदा कार्कीले १० हजार ७०८ मत पाए ।
योसँगै कर्णालीमा प्रतिनिधि सभा सदस्यको नतिजा आउने क्रम सकिएको छ। जसमा नेपाली कांग्रेसले ४ र माओवादीले ४, समाजवादीले ३ र राप्रपाले एक सिट जितेका छन् । यस्तै २०७४ को निर्वाचनमा कर्णालीमा पहिलो दल बनेको नेकपा एमाले भने यसपटक प्रतिनिधि सभामा बढारिएको छ।
