इलाम-२ मा आइतबार बिहानदेखि मात्र मतगणना सुरु हुने
इलाम । इलाम क्षेत्र नम्बर–२ मा आइतबार बिहानदेखि मात्र मतगणना हुने भएको छ । प्रमुख जिल्ला अधिकारी इन्द्रदेव यादवले मतपेटिका आइपुग्न समय लागेकाले आइतबार बिहान सात बजे सर्वदलीय बैठक बसेर मतगणना सुरु गर्ने जानकारी दिए ।
इलाम नगरपालिका–२ स्थित गौतबुद्ध सम्मेलन केन्द्र (सिटी हल)मा मतगणना गरिनेछ । इलाम–२ मा १२ राजनीतिक दलका र ७ स्वतन्त्र गरी १९ जना उम्मेदवार चुनावी प्रतिस्पर्धामा छन् ।
इलाममा नेकपा एमालेका सुहाङ नेम्बाङ, कांग्रेसका डम्बर खड्का, रास्वपाका मिलन लिम्बू र पहिचानवादी साझा स्वतन्त्र उम्मेदवार डकेन्द्रसिंह थेगिमबीच मुख्य प्रतिस्पर्धा हुने अनुमान गरिएको छ । इलाम २ मा ५८ प्रतिशत मतदान भएको निर्वाचन आयोगले जनाएको छ ।
