काठमाडौँको सिडिओमा गोविन्द रिजालको सरुवा
काठमाडौँ । काठमाडौँको प्रमुख जिल्ला अधिकारमा गोविन्द रिजालको सरुवा भएको छ । गृह मन्त्रालयले काठमाडौँका प्रजिअ कालीप्रसाद पराजुलीलाई गृह मन्त्रालयमा सरुवा गर्दै उनको ठाउँमा रिजाललाई पठाएको हो ।
पराजुली प्रदेश जाने भएसँगै उनलाई केही समयका लागि मन्त्रालयमा राखिएको हो । पराजुलीसँग बालुवाटार र गृहमन्त्रालय रुष्ट रहेको बताइन्छ । उनले माधवकुमार नेपालले नयाँ पार्टी बनाउने प्रक्रियामा चन्द्रागिरी रिसोर्टमा केन्द्रीय सदस्यहरुको भेला राखेको भन्दै स्पष्टीकरण सोधेका थिए ।
