जनैपूर्णिमा र गाईजात्रा सांकेतिक रुपमा मात्रै मनाउन प्रशासनको अनुरोध
काठमाडौँ । धार्मिक तथा सांस्कृतिक पर्व जनैपूर्णिमा र गाईजात्रा सांकेतिक रुपमा मात्रै मनाउन र भीडभाड नगर्न जिल्ला प्रशासन कार्यालय काठमाडौंले आग्रह गरेको छ ।
प्रशासनले कोभिड–१९ को संक्रमण तथा जोखिम दर उच्च रहेको जनाउँदै आगामी आइतबार र सोमबारका दिन परेको जनैपूर्णिमा र गाइजात्रा पर्वमा भीडभाड नगर्न अनुरोध गरेको हो । साउन २८ गतेदेखि भदौ ८ गतेसम्मका लागि जारी गरेको निषेध आदेश कायमै रहेकोले पनि सांकेतिक तवरले मात्रै पर्व मनाउन अनुरोध गरिएको हो ।
