प्रमुख प्रशासकीय अधिकृतलाई स्थानीय तहमा तत्काल हाजिर हुन मन्त्रालयको निर्देशन
काठमाडौं । सरकारले जिल्ला समन्वय अधिकारी र प्रमुख प्रशासकीय अधिकृतलाई स्थानीय तहमा यथाशिघ्र हाजिर हुन निर्देशन दिएको छ । संघीय मामिला तथा सामान्य प्रशासन मन्त्रालयले सूचना जारी गरी सरुवा भएको लामो समयसम्म पनि तोकिएका स्थानीय तहमा नपुगेका प्रमुख प्रशासकीय अधिकृतलाई यथाशिघ्र हाजिर हुन निर्देशन दिएको हो ।
मन्त्रालयले लकडाउनको समयमा आवश्यक पास लिएर हाजिर हुन निर्देशन दिएको छ । कतिपय स्थानीय तहमा प्रमुख प्रशासकीय अधिकृत सरुवा भएर पनि कोरोना महामारीको बहाना बनाउँदै हाजिर हुन गएका छैनन् ।