डढेलो नियन्त्रणमा सरकार असंवेदनशील भयोः शेखर कोइराला
काठमाडौं । नेपाली कांग्रेसका नेता डा. शेखर कोइरालाले डढेलोले गर्ने क्षति वर्षेनि बढिरहेको भन्दै यो विषयमा सरकार संवेदनशील नभएको बताएका छन् । शुक्रबार सामाजिक संजालमार्फत कोइरालाले डढेलोका कारण गाउँमा आगलागी भएर अर्बौँ रुपैयाँ क्षति भइसकेको भन्दै रोकथाम र न्यूनीकरणका लागि सरकार चुकिरहेको बताएका हुन् ।
उनले भनेका छन्, ‘यसवर्ष देशका विभिन्न भागमा डढेलो लागेका कारण कैयौँ नेपालीको ज्यान गयो । अर्बौंको सम्पत्तिको नाश भइसक्यो । कतै निभ्यो, कतै सल्किरहेको छ । वर्षेनि डढेलोका कारण हुने नोक्सानी बढ्दैछ, रोकथाम र न्यूनीकरणमा हामी कहाँ चुक्यौँ ? नीतिमा कि व्यवहारमा ? सरकार किन यति असंवेदनशील ?’
