कोरोना संक्रमणबाट नेपालमा ५६ जनाको मृत्यु
काठमाडौं । नेपालमा पछिल्लो २४ घण्टामा थप २२४ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार देशका विभिन्न प्रयोगशालामा गरिएको परीक्षणमा थप २२४ जनामा कोरोना संक्रमण पुष्टि भएको हो । पछिल्लो २४ घण्टामा पीसीआर विधिबाट १०,७६८ जनाको नमुना परीक्षण गरिएको छ । क्वारेन्टाइनमा १२,१११ जना रहेका छन् ।
आइसोलेसनमा ५,३१६ सक्रिय संक्रमित रहेका मन्त्रालयले जनाएको छ । शुक्रबार १५१ जना डिस्चार्ज भएका छन् । योसँगै डिस्चार्ज हुनेको संख्या १४,३९९ पुगेको छ । काठमाडौंका ३२ जना, भक्तपुरका एक र ललितपुरका पाँच जनामा कोरोना संक्रमण पुष्टि भएको छ ।त्यस्तै नेपालमा कोरोना संक्रमणबाट मृत्यु हुनेको संख्या ५६ पुगेको छ ।
