तेस्रो नेपाल–बङ्गदालेश युवा सम्मेलन काठमाडौँमा



काठमाडौं । तेस्रो नेपाल–बङ्गलादेश युवा सम्मेलन शनिबारदेखि काठमाडौँमा शुरु भएको छ । युवा विकास केन्द्र, सरसफाइ, वातावरण तथा ऊर्जा नेपाल, दक्षिण एशिया पाटनरसीप (साप) नेपालको आयोजना तथा नेपालस्थित बङ्गलादेश राजदूतावासको समन्वयमा शनिबारदेखि काठमाडौँमा सम्मेलन शुरु भएको हो ।

सम्मेलनमा बङ्गलादेशबाट २५, नेपालबाट ७५ युवासहित केही नेदरल्याण्ड र भारतका विज्ञहरुको सहभागिता रहेको सम्मेलन आयोजक समितिका संयोजक अभिनभकुमार चौधरीले जानकारी दिए । सम्मेलनले युवा र युवाबीचको साझेदारीको विकास गर्ने तथा संस्कृतिक हस्तान्तरण, अनुभव आदानप्रदान, आपसी सम्बन्ध विस्तार, पर्यटन प्रवद्र्धनमा टेवा पुग्ने विश्वास लिइएको छ ।

दुईदिने सम्मेलनको श्रम रोजगार तथा सामाजिक सुरक्षामन्त्री रामेश्वर राय यादवले उद्घाटन गरे । मन्त्री रायले युवाको व्यक्तित्व विकास र आपसी सम्बन्ध सुधारका लागि यस्ता सम्मेलन महत्वपूर्ण हुने बताए । उनले नेपाल भ्रमण वर्षको अवसरमा आयोजित उक्त कार्यक्रमले पर्यटन विकासमा महत्वपूर्ण सहयोग पुग्ने बताए ।

नेपालका लागि बङ्गलादेशका राजदूत माश्फी बिन्ते शाम्सले नेपाल र बङ्लादेश बीचको पुरानो सम्बन्ध स्मरण गर्दै दुई देशबीच विद्युत् खरिद सम्झौता भइसकेकाले यसबाट अझै विशेष सम्बन्ध बढ्ने बताए ।
सम्मेलनमा दिगो विकास लक्ष्य, उद्यमशीलता, सामाजिक विकास, जलवायु परिवर्तन, सुशासनलगायत विषयमा छलफल हुनेछ । यस्तै दुई देशका कलाकारबाट संयुक्त सांस्कृति कार्यक्रमसमेत आयोजना गरिएको छ । सम्मेलनमा सहभागी आयोजक समितिका सल्लाहकार पदमराज जोशीले नेपाल र बङ्गलादेशबीच यस्ता कार्यक्रम वर्षको चार÷पाँच हुन थालेको उल्लेख गरे ।

नेपाल र बङ्गलादेशको सम्बन्ध सुमधुर हुँदाहुँदै पनि नेपालमा आउने बङ्गलादेशी पर्यटकको सङ्ख्या भने न्यून छ । गत वर्ष जम्मा २६ हजार पर्यटक मात्रै नेपाल भित्रिएको अध्यागमन विभागको अभिलेखमा उल्लेख छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
ढिकी जाँतोदेखि रकेटसम्म, कीर्तिपुरमा बन्दैछ ‘साइन्स सिटी’

काठमाडौं । ढिकीमा कहाँनेर मान्छेले बल लगाउँछ ? कहाँनेर गुरुत्व बल लाग्छ र

तीस वर्ष झोला बोकेका महावीर पुन यसरी बने संसारकै हिरो !

काठमाडौं । ‘मलाई पैसा बोकेर हिँड्न डर लाग्छ, झोला बोकेर हिँड्न रहर लाग्छ’

पर्यटकीय पूर्वाधारमा फड्को मार्दै रुपन्देही

भैरहवा । भगवान् गौतमबुद्धको जन्मस्थल लुम्बिनी बौद्ध धर्मावलम्वीको केन्द्र विन्दु हो । लुम्बिनीलाई

विदेश जाने मोह त्यागेर कृषिमा युवा

कञ्चनपुर । कञ्चनपुरको दोधारा चाँदनी नगरपालिका–८ का ३० वर्षीय नरेश खड्का पाँच वर्षअघि