ट्रम्पसँगको टेलिफोन वार्ता सकारात्मक, स्पष्ट र धेरै महत्वपूर्ण : जेलेन्स्की
बीबीसी । अमेरिकी राष्ट्रपति डोनाल्ड ट्रम्पले रुसका राष्ट्रपति भ्लादिमिर पुटिनसँग कुरा गरेको एक दिनपछि आफ्ना युक्रेनी समकक्षी भोलोडिमिर जेलेन्स्कीसँग एक घण्टा लामो फोन वार्ता गरेका छन् ।
आफ्नो सामाजिक सञ्जाल प्लेटफर्म ट्रुथ सोसियलमा लेख्दै ट्रम्पले यो फोन वार्ता युक्रेन र रुसलाई ‘उनीहरूको अनुरोध र आवश्यकताको हिसाबले’ मिलाउने उद्देश्यले भएको बताएका छन् ।
उनले युद्धविराम प्रयासहरू ट्रयाकमा रहेको पनि बताएका छन् । जेलेन्स्कीले ट्रम्पसँगको आफ्नो कुराकानीलाई ‘सकारात्मक’, ‘स्पष्ट’ र ‘धेरै महत्वपूर्ण’ भनेर वर्णन गरेका छन् ।
उनले भनेका छन्, ‘हामी विश्वास गर्छौं कि अमेरिकासँग मिलेर, राष्ट्रपति ट्रम्पसँग मिलेर, र अमेरिकी नेतृत्वमा, यसवर्ष दिगो शान्ति प्राप्त गर्न सकिन्छ ।’
जेलेन्स्कीले स्वीकार गरे कि युरोपको सबैभन्दा ठूलो पावर प्लान्ट, जुन अग्रपंक्तिमा छ, फेरि सञ्चालनमा आउन दुई वर्ष भन्दा बढी समय लाग्न सक्छ र यो युक्रेनी र युरोपेलीहरूका लागि महत्त्वपूर्ण छ।
उनले यो पनि भने कि वाशिंगटन र कीभको मध्यस्थतामा आंशिक युद्धविरामको एक भागको रूपमा ऊर्जा पूर्वाधार, रेल र बन्दरगाह सुविधाहरूमा हमलाहरू रोक्न चाँडै स्थापित गर्न सकिन्छ – तर जेलेन्स्कीले चेतावनी दिए कि यदि मस्कोले युद्धविरामका सर्तहरू उल्लङ्घन गर्यो भने युक्रेनले बदला लिनेछ।
