युक्रेनको शान्ति सेनाबारे सैन्य प्रमुखहरू बिहीबार बेलायतमा भेट्ने
लन्डन । बेलायती प्रधानमन्त्री किर स्टार्मरले कुनै पनि सम्भावित युद्धविरामको रक्षा गर्न युक्रेनमा शान्ति सेना बनाउने योजनाबारे छलफल गर्न सैन्य प्रमुखहरू बिहीबार बेलायतमा भेट्ने बताएका छन् ।
“हामी सम्भावित सम्झौतालाई समर्थन गर्न हाम्रो व्यावहारिक कार्यलाई गति दिन सहमत भयौँ, त्यसैले अब हामी परिचालन चरणमा प्रवेश गर्नेछौँ”, लगभग २५ जना अन्य नेताहरूको भर्चुअल बैठकको आयोजना गरेपछि स्टार्मरले भने ।
“हामीले सहमति गर्यौँ कि अब बल रुसको कोर्टमा छ”, स्टार्मरको डाउनिङ स्ट्रिट कार्यालयले जारी गरेको एक वक्तव्यमा उनले भने, “राष्ट्रपति पुटिनले उहाँ शान्तिका लागि गम्भीर रहेको प्रमाणित गर्नुपर्छ र समान सर्तहरूमा युद्धविराममा हस्ताक्षर गर्नुपर्छ । राष्ट्रपति ट्रम्पको युद्धविराम प्रस्तावमा क्रेमलिनको अनिर्णय र ढिलाइ एवं युक्रेनमाथि रुसको निरन्तर बर्बर आक्रमणहरू राष्ट्रपति पुटिनको शान्तिको घोषित इच्छाको पूर्णतया विपरीत छन् ।”
