अमेरिकासँग खनिज सम्झौता गर्न युक्रेन तयार

बीबीसी । युक्रेनले अमेरिकासँगको प्रमुख खनिज सम्झौताका सर्तहरू स्वीकार गरेको कीभका एक वरिष्ठ अधिकारीले बताएका छन् ।

ती अधिकारीले भने, ‘हामीले वास्तवमा धेरै राम्रा परिमार्जनहरूसँग सहमत भएका छौं र यसलाई सकारात्मक परिणामको रूपमा हेर्छौं ।’

अमेरिकी राष्ट्रपति डोनाल्ड ट्रम्पले युक्रेनी राष्ट्रपति भोलोदोमिर जेलेन्स्कीसँग यसबारेमा शुक्रबार सम्झौतामा हस्ताक्षर गर्ने बताएका छन् ।

युक्रेनी अधिकारीले यो सम्झौतालाई सकारात्मक रूपमा लिएको बताएका छन्। अमेरिकाले युक्रेनलाई युद्धको समयमा ५०० अर्ब अमेरिकी डलर सहयोग गरेका कारण सो बराबरको श्रोतमा पहुँचको मागसहित प्रस्ताव गरेको थियो । अमेरिकी राष्ट्रपति ट्रम्पले दुई नेताले एकअर्काकोबारेमा आरोप प्रत्यारोपपछि गरेपछि वाशिंगटनमा आफ्ना युक्रेनी समकक्ष भोलोडिमिर जेलेन्स्कीले यस हप्ता सम्झौतामा हस्ताक्षर गर्ने आशा गरेका थिए । ट्रम्पले सम्झौताको बदलामा युक्रेनले ‘लडाइँ गर्ने अधिकार’ पाउने बताए ।

‘उनीहरू धेरै साहसी छन्,’ उनले पत्रकारहरूलाई भने, तर ‘संयुक्त राज्य अमेरिका र यसको पैसा र यसको सैन्य उपकरण बिना यो युद्ध धेरै छोटो अवधिमा समाप्त हुने थियो।’

युक्रेनलाई अमेरिकी उपकरण र गोलाबारुदको आपूर्ति जारी रहनेछ कि भनेर सोध्दा उनले भने, ‘हुनसक्छ हामीले रुससँग सम्झौता नगरेसम्म … हामीले सम्झौता गर्नुपर्छ, अन्यथा यो जारी रहनेछ।’ संसारका महत्त्वपूर्ण खनिजको ५ प्रतिशत युक्रेनमा रहेको जनाइन्छ। यसमा १९ मिलियन टन ग्राफाइट रहेको पुष्टि भइसकेको छ।