आतंककारी आक्रमणमा मध्य मालीमा २० भन्दाबढीको मृत्यु
मध्य मालीको बन्दियागारा क्षेत्रको एउटा गाउँमा सोमबार २० भन्दा बढी व्यक्तिको मृत्यु भएको त्यहाँका बासिन्दा र स्थानीय अधिकारीहरूले बुधबार पुष्टि गरेका छन् ।
‘सोमबार साँझ करिब ५ बजे, कातिबा मासिनाका दर्जनौँ आतङ्ककारीले जिगुइबोम्बो गाउँमा आक्रमण गरेका थिए । अस्थायी टोलमा डोजो शिकारीहरू (परम्परागत शिकारीहरू) सहित २२ सर्वसाधारण मारिएका र धेरै बेपत्ता छन्’, डुकुम्बोमा रहेका एक अधिकारीले भने ।
प्रत्यक्षदर्शी र स्थानीय अधिकारीहरूका अनुसार विवाह समारोह भइरहेका बेला आक्रमणकारीहरूले गाउँलाई घेरेका थिए । ‘विवाह उत्सवका क्रममा आक्रमण भयो, आक्रमणमा दुलहाको पनि ज्यान गयो’, अर्का स्थानीय अधिकारी बताए ।
सन् २०१२ देखि माली राजनीतिक, आर्थिक र मानवीय सङ्कटको बीचमा आतङ्कवादी हमलाहरूबाट ग्रस्त छ ।
