टर्कीको इज्मिरमा प्राकृतिक ग्यास विस्फोटमा चारजनाको मृत्यु, २० घाइते
टर्कीको पश्चिमी प्रान्त इज्मिरमा आइतबार भएको प्राकृतिक ग्यास विस्फोटमा चार जनाको मृत्यु हुनुका साथै कम्तीमा २० जना घाइते भएका छन् ।
टिआरटीले घाइतेमध्ये १० को अवस्था गम्भीर रहेको र घटनास्थलमा आपत्कालीन टोलीहरुद्वारा अनुसन्धान भइरहेको रिपोर्ट गरेको छ ।
विष्फोटपछि दमकल टोलीहरूले तुरुन्तै अर्को आगो निभाएका थिए । इज्मिरका गभर्नर सुलेमान एल्बानले टिआरटीलाई उक्त विस्फोटले वरपरका ११ भवनमा क्षति पुगेको जानकारी दिए । विस्फोटको कारण तत्काल खुल्न सकेको छैन ।
