भारतमा पर्यटन लयमा फर्किंदै, सन् २०२२ मा करिब ६२ लाख विदेशी पर्यटकद्वारा भारत भ्रमण
भारतमा कोभिड महामारीपछि विदेशी पर्यटकको आगमन बढ्न थालेको छ । भारतमा सन् २०२२ मा ६१ लाख ९० हजार विदेशी पर्यटक भित्रिएका पर्यटन मन्त्रालयले जनाएको छ ।कोभिडजन्य प्रतिबन्धका कारण सन् २०२१ मा १५ लाख २० हजार विदेशी पर्यटक मात्र भारत आएका थिए ।
अध्यागमन विभागको तथ्याङ्कलाई उदृत गर्दै पर्यटन मन्त्रालयले कोभि महामारीपछि यो पुन : उत्थानको सङ्केत भएको जनाएको छ ।
कोभिडजन्य परिस्थितिका कारण पर्यटनमा समस्या आउनु पहिले सन् २०१९ मा एक करोड नौ लाख ३० हजार विदेशी पर्यटक भारत आएका विभागले जानकारी गराएको छ । मन्त्रालयले आन्तरिक तथा बाह्य पर्यटकका लागि चौबिसै घण्टा बहुभाषिक पर्यटक सूचना हेल्पलाइन स्थापना गरेको छ ।