सिरियामा हवाई कारबाहीमा इरान समर्थक १७ लडाकूको मृत्यु
सिरियामा अमेरिकाआवद्ध सेनाले गरेको हवाई कारबाहीमा परी इरान समर्थक कम्तीमा १७ लडाकू मारिएका छन् । ‘द सिरियन अब्जरभेटरी फर ह्युम्यान राइट्स’ले हवाई आक्रमणमा १७ लडाकू मारिएका जनाएको छ ।
इरानको सीमा क्षेत्रमा पर्ने सिरियाली क्षेत्रमा हवाई कारबाही भएको थियो । पहाडी इलाकामा भएको हवाई कारबाहीमा तीन वटा ट्रक ध्वस्त भएको बताइएको छ । अब्जरभेटरी प्रमुख रामी अब्दुल रहमानले एएफपीलाई इरान समर्थक १७ लडाकू मारिएका पुष्टि गरेका छन् ।
सिरियामा सन् २०११ को मार्च महिनाबाट त्यहाँका राष्ट्रपति बसर अल असदको राजिनामाको माग गर्दै जनआन्दोलन शुरु भएको थियो । यो जनआन्दोलन केही समयपछि गृहयुद्धमा परिणत भएको थियो । गृहयुद्ध इस्लामिक स्टेट्स (आइएस) र अल कायदा जस्ता आतङ्ककारी समूहहरु हाबी हुदै गएका थिए । यीनै आतङ्ककारी समूहहरुलाई कारबाही गर्ने क्रममा अमेरिकाले हवाई आक्रमण गर्दै आएको थिए
