एयर इन्डिया एक्सप्रेसको विमान दुर्घटना हुँदा कम्तीमा ११ जनाको मृत्यु
भारतको दक्षिणी राज्य केरलाको कोझिकोडमा एयर इन्डिया एक्सप्रेसको विमान दुर्घटना हुँदा ११ जनाको मृत्यु भएको छ । दुबइबाट १९१ यात्रु बोकेर भारतको केरलाका लागि उडेको विमान कोझिकोडको कालीकट विमानस्थलको धावनमार्गमा चिप्लिएर दुर्घटना भएको हो ।
दुर्घटनामा दुईजना चालक दलका सदस्यसहित ११ जनाको मृत्यु भएको बीबीसी हिन्दीले जनाएको छ । विमानमा १० बालबालिकासहित १७४ यात्रु र सात जना चालक दलका सदस्यहरु थिए ।
विमान दुर्घटनापछि दुई टुक्रा भएको दृष्य भारतीय संचारमाध्यमले देखाएका थिए । विमानमा धेरै घाइते भएको एयर इण्डिया एक्सप्रेसका प्रवक्ताले जनाएका छन् ।