विश्वमा १ करोड ५९ लाख भन्दा बढीलाई कोरोना संक्रमण

विश्वभर महामारीको रुपमा फैलिएको कोरोना भाइरस संक्रमितको संख्या १ करोड ५९ लाख नाघेको छ ।
पछिल्लो २४ घण्टामा २ लाख ८८ हजार २ सय ५४ जना संक्रमित थपिएसगै संक्रमितको संख्या १ करोड ५९ लाख ४० हजार ३ सय ७९ पुगेको हो ।
पछिल्लो २४ घण्टामा ६ हजार १ सय ८२ जनाको कोरोना संक्रमणबाटै मृत्यु भएसँगै मृत्यु हुनेको संख्या ६ लाख ४२ हजार ८ सय ६८ जना पुगेको वल्डोमिटरले जनाएको छ । हालसम्म ९७ लाख २३ हजार ९ सय ४९ संक्रमित उपचारपछि निको भएर अस्पतालबाट डिस्चार्ज भएका छन् ।
यस्तै, युरोपियन मुलुकहरूमा २ लाख ९५४ जना, उत्तर अमेरिकी मुलुकहरुमा २ लाख ५ हजार १५४ जना, एसियाली मुलुकहरूमा ८७ हजार ३५४ जना र दक्षिण अमेरिकी मुलुकहरूमा १ लाख ३१ हजार ८४ जनाको मृत्यु भएको छ ।
यस्तै, अफ्रिकी मुलुकहरूमा १७ हजार १४६ जना र अष्ट्रेलियासहित ओसिनियाका मुलुकहरुमा १६१ जनाको मृत्यु भएको छ ।
सबैभन्दा बढी प्रभावित अमेरिकामा संक्रमितको संख्या ४२ लाख ४८ हजार ३ सय २७ पुगेको छ । जसमध्ये १ लाख ४८ हजार ४ सय ९० जनाको मृत्यु भएको छ ।
यस्तै, ब्राजिलमा २३ लाख ४८ हजार २ सय जना संक्रमित भएका छन् भने ८५ हजार ३ सयभन्दा बढीको मृत्यु भएको छ ।