विश्वमा कोरोना संक्रमणबाट ३ लाख ५१ हजारको मृत्यु, ५६ लाख संक्रमित

काठमाडौं । विश्वमा कोरोना संक्रमणबाट मृत्यु हुनेको संख्या ३ लाख ५१ हजार नाघेको छ । त्यस्तै संक्रमितको संख्या ५६ लाख ७६ हजार नाघेको छ । पछिल्लो तत्थ्यांक अनुसार अमेरिकामा कोरोना संक्रमणका कारण मृत्यु हुनेको संख्या १ लाख ५ सय नाघेको छ भने संक्रमितको संख्या १७ लाख २५ हजार पुगेको छ ।

अमेरिकामा पछिल्लो २४ घण्टामा ७ सय ४० जनाको ज्यान गएको छ । बेलायतमा ३७ हजार भन्दा बढीको मृत्यु भएको छ भने २ लाख ६५ हजार संक्रमित भएका छन् । इटलीमा मृत्यु हुनेको संख्या ३२ हजार ९ सय नाघेको छ भने २ लाख ३० हजार ५ सय संक्रमित भएका छन् । ब्राजिलमा ३ लाख ९१ हजार २ सय बढी संक्रमित हुँदा २४ हजार ५ सय बढीको मृत्यु भएको छ ।

रसियामा ३ हजार ८ सयको मृत्यु भएको छ भने ३ लाख ६२ हजार भन्दा बढी संक्रमित भएका छन् । यसैगरी भारतमा कोरोना संक्रमितको संख्या १ लाख ५० हजार नाघेको छ भने ४ हजार ३ सय भन्दा बढीको मृत्यु भएको छ । विश्वमा २४ लाख २६ हजार संक्रमित निको भएर घर फर्किएका छन् ।