धेरै संक्रमितको संख्या देखिनु ‘सम्मानको पदक’: ट्रम्प

अमेरिकी राष्ट्रपति डोनाल्ड ट्रम्पले अमेरिकामा कोरोना भाइरस संक्रमितको संख्या विश्वकै सबैभन्दा धेरै देखिनुलाई ’सम्मानको पदक’ का रुपमा लिएको बताएका छन् । कोरोना महामारी सुरु भएयता पहिलोपटक मन्त्रिपरिषदको बैठक बोलाएका राष्ट्रपति ट्रम्पले आफूहरुले परीक्षण धेरै गरेकोले संक्रमित धेरै देखिएका बताएका हुन् ।

उनले भने, ‘मैले यसलाई सम्मानको रुपमा हेर्छु । किनकी यसले हाम्रो परीक्षण अरुकोभन्दा धेरै राम्रो छ भन्ने देखाउँछ ।’ अमेरिकामा मंगलबारसम्म एक करोड २६ लाख मानिसमा कोरोना भाइरसको परीक्षण गरिएको छ । अमेरिकामा कोरोना भाइरस संक्रमितको संख्या १५ लाख नाघेको छ भने ९१ हजार बढीको मृत्यु भएको छ ।