अमेरिकामा कोरोना संक्रमणबाट ६८ हजार ५ सय भन्दा बढीको मृत्यु

कोरोना भाइरसको संक्रमणबाट विश्वमा मृत्यु हुनेको संख्या २ लाख ४८ हजार नाघेको छ । त्यसैगरी संक्रमितको संख्या साढे ३५ लाख नाघेको छ । संक्रमितको संख्या अमेरिकामा धेरै छ । अमेरिकामा संक्रमितको संख्या ११ लाख ८७ हजार पुगेको छ । अमेरिकामा कोरोना संक्रमणबाट ६८ हजार ५ सय भन्दा बढीको मृत्यु भएको छ ।

पछिल्लो २४ घण्टामा अमेरिकामा १ हजार १ सय ३७ को मृत्यु भएको छ । स्पेनमा २५ हजार २ सय ६४, इटालीमा २८ हजार ८ सय ८४, बेलायतमा २८ हजार ४ सय ४६ जनाको मृत्यु भएको छ । संक्रमित मध्ये विश्वमा ११ लाख ५३ हजार निको भएका छन् ।