भारतका केन्द्रीय मन्त्री अरबिन्द सावन्तद्वारा राजीनामा घोषणा
भारतका केन्द्रीय मन्त्री अरबिन्द सावन्तले मन्त्रिमण्डलबाट राजीनामा दिएका छन् । उनी शिवसेनाबाट लोकसभाका सांसद हुन् । सावन्त मोदी मन्त्रिमण्डलमा उद्योग मन्त्री हुन् ।
उनले ट्विटमार्फत् राजीनामाको घोषणा गरेका हुन् । यो राजीनामाले शिवसेनाले कंग्रेस र एनसीपीको सहयोगमा महाराष्ट्रको सरकार बनाउन चाहेको देखिएको जनाइएको छ । शिवसेना र भाजपा महाराष्ट्रको विधान सभा निर्वाचनमा मिलेर चुनाव लडेको भएपनि सरकार बनाउने विषयमा विवाद भएको हो ।
भाजपा ठूलो दल भएपनि बहुमत नमिलेपछि शिवसेनासँग मिलेर सरकार बनाउने प्रयास गरको थियो । तर, शिव सेनाले आफूलाई अढाइ वर्ष सम्म मुख्यमन्त्री दिनुपर्ने शर्त राखेको थियो ।
भाजपाले सो शर्त अस्वीकार गर्दै आफूले सरकार बनाउन नसक्ने बताएपछि गभर्नर भगतसिंह कोशियारीले दोस्रो ठूलो दल शिवसेनालाई सरकार बनाउन आइतबार मात्रै आह्वान गरेका थिए ।
