बेलायतको संसद नजिकै आक्रमण गर्नेलाई १५ वर्षको जेल सजाय
बेलायतको संसद नजिकै कार आक्रमण गरी हत्याको प्रयास गरेका एक व्यक्तिलाई आजीवन जेल सजायको फैसला भएको छ । राजधानी लण्डनस्थित एक अदालतका न्यायाधीशले ती व्यक्तिलाई आजीवन जेल सजायको फैसला सुनाएका हुन् ।
धेरै मानिसको ज्यान जान सक्नेगरी गत बर्ष संसद भवन नजिकै एक व्यक्तिले कार आक्रमण गरेका थिए । न्यायाधीश मौरा म्याकगोवानको फैसलामा ३० बर्षीय सलिह खातरले कम्तीमा पनि १५ बर्ष जेल सजाय भोग्नु पर्ने उल्लेख छ ।
सन् २०१८ को अगस्टमा खातरले धेरै मानवीय क्षति हुनेगरी कार आक्रमण गरेको अदालतले ठहर गरेको छ ।
