एसी मिलान र बायर्न म्युनिख क्वाटरफाइनलमा
काठमाडौं । जर्मन क्लब बायर्न म्युनिख र इटलियन क्लब एसी मिलान च्याम्पियन्स लिग फुटबलको क्वाटरफाइनलमा प्रवेश गरेका छन् ।
गएराति भएको खेलमा फ्रेन्च क्लब पेरिस सेन्ट जर्मेइन (पीएसजी) लाई दोस्रो लेगमा २–० गोलले हराउँदै समग्रमा ३–० को जितसहित बायर्न अन्तिम आठमा पुगेको हो । राउण्ड अफ १६ अन्तर्गतको पहिलो लेगमा बायर्न १–० ले विजयी भएको थियो । बायर्नको जितमा एरिक म्याक्सिम मोटीङ र सेर्जी जिनाब्रीले एकरएक गोल गरे ।
त्यस्तै एसी मिलान दोस्रो लेगमा इङ्लिस क्लब टोटनह्याम हटस्परसँग गोलरहित बराबरी खेल्दै समग्रमा १–० को जित निकाल्न सफल भयो । पहिलो लेगमा १–० गोलले विजयी एसी मिलान ११ वर्षपछि च्याम्पियन्स लिगको क्वाटरफाइनलमा पुगेको हो ।