रोहितको कप्तानीमा नेपाली टिमको घोषणा
काठमाडौं । आईसीसी विश्वकप लिग टू अन्तर्गतको त्रिकोणात्मक एक दिवसीय सिरिजका लागि सन्दीप लामिछानेलाई समेट्दै आसन्न नेपाली टिम घोषणा गरिएको छ ।
सन्दीपलाई उच्च अदालत पाटनले धरौटीमा छाड्न आदेश दिएको थियो । २० लाख रुपैयाँ धरौटी बुझाएर थुनामुक्त भएपछि नेपाल क्रिकेट संघ क्यानको पोखरामा बसेको बोर्ड बैठकले निलम्बन फुकुवा गर्दै टिममा फर्काउने निर्णय गरेको थियो ।
त्यसपछि नेपाली टिमको बन्द प्रशिक्षणमा सहभागी भएका उनलाई नवनियुक्त मुख्य प्रशिक्षक मोन्टी देशाईले अन्तिम टिममा पनि समावेश गरेका छन् ।
टिममा रोहित पौडेल (कप्तान), कुशल भुर्तेल, आसिफ शेख, ज्ञानेन्द्र मल्ल, कुशल मल्ल, दीपेन्द्रसिंह ऐरी, सन्दीप जोरा, सोमपाल कामी, करण केसी, ललितनारायण राजवंशी, सन्दीप लामिछाने, गुलशन झा, भीम सार्की र सूर्य तामाङ छन् ।
