धनगढीमा दीपेन्द्र स्वार स्मृति डीसीए कप क्रिकेट हुने
धनगढी । धनगढी क्रिकेट एकेडेमी (डीसीए)को आयोजनामा दीपेन्द्र स्वार स्मृति स्कुल क्रिकेट प्रतियोगिता हुने भएको छ । धनगढीको फाप्ला क्रिकेट मैदानमा यही माघ ५ गतेदेखि उक्त प्रतियोगिता हुनेछ । प्रतियोगितामा २० स्कुलहरु सहभागी हुनेछन् ।
माघ १६ गतेसम्म चल्ने प्रतियोगिता टी–२० फम्र्याटमा हुनेछ । फाप्ला क्रिकेट मैदानमा हुने प्रतियोगिताको विजेताले ५० हजार तथा उपविजेताले ३० हजार पाउनेछ ।
यस्तै, प्लेयर अफ द टुर्नामेन्टले पाँच हजार नगदसहित डीसीएमा चार महिनाको छात्रवृत्तिमा क्रिकेट सिक्न पाउने डीसीएका व्यवस्थापक समुयल न्यौपानेले बताए । त्यसबाहेक बेस्ट बलर र बेस्ट ब्याटरले तीन–तीन हजार नगद र तीन महिनाको छात्रवृत्ति पाउनेछन् ।
