इटालियन सिरी एमा एसी मिलानको सहज जित,तीन अंकको अग्रता
एसी मिलानले ईटालियन सिरि ए फुटबलको शीर्ष स्थानमा ३ अंकको अग्रता बनाएको छ । १८ औ चरणको खेलमा गएराती काग्लीयारीलाई २–० ले हराउदै एसी मिलान शीर्ष स्थानमा बलियो बनेको हो । उसलाई सहज जित दिलाउन दुबै गोल जलाटन ईब्राहिमोबिचले गरे ।
सातौ मिनेटमा ईब्राहिमोबिचले पेनाल्टिमा गोल गर्दै टोलीलाई अग्रता दिलाएका थिए । उनैले ५२ औ मिनेटमा टोलीको अग्रता दोब्बर पारे ।
पछिल्ला २ गोलसंगै ईब्राहिमोबिचले जारी सिजनको लिगमा आफ्नो गोल संख्या १३ पुर्याएका छन् ।
यो जितसंगै १८ खेलबाट एसी मिलानको ४३ अंक भएको छ । समान खेलबाट ४० औ जोडेको ईन्टर मिलान तालिकाको दोस्रो स्थानमा छ । ईन्टरले पछिल्लो खेलमा युभेन्टसलाई हराउदै एसी मिलानमाथी दबाव बढाएको थियो ।
