बार्सिलोनालाई ३–२ हराउँदै बिल्बाओ बन्यो च्याम्पियन
अतिरिक्त समयमा क्याटलान क्लब बार्सिलोनामाथि जित निकाल्दै एथ्लेटिक बिल्वाओ स्पेनिस सुपर कप च्याम्पियन बनेको छ । सेभियाको मैदानमा गएराति भएको फाइनलमा १० खेलाडीमा समेटिएको बार्सिलोनालाई अतिरिक्त समयमा ३–२ गोल अन्तरले पराजित गर्दै बिल्बाओ च्याम्पियन बनेको हो ।
निर्धारित समय २–२ गोलको बराबरीमा सकिएपछि खेल अतिरिक्त समयमा गएको थियो । अतिरिक्त समयमा इनाकी विलियम्सले गोल गर्दै बिल्बाओलाई जित दिलाए ।
बिल्वाओको यो तेस्रो सुपरकप उपाधि हो । यसअघि बिल्वाओले १९८४ र २०१५ मा उपाधि जितेको थियो । बार्सिलोनाले सर्वाधिक १३ पटक सुपरकपको उपाधि जितेको छ ।
क्लवको इतिहासमा १३ औं पटक उपाधि जित्ने लक्ष्यमा रहेको बार्सिलोना स्तब्ध हुँदा उसका मुख्य खेलाडी लियोनल मेस्सीले रातो कार्ड पाए । उनले करियरमा पहिलो पटक रातोकार्ड पाएका हुन् ।