नवनियुक्त खेलकुदमन्त्री लामाद्वारा पदभार ग्रहण
काठमाडौं । नवनियुक्त युवा तथा खेलकुदमन्त्री दावा लामाले आइतबार पदभार ग्रहण गरका छन् । शुक्रबार मन्त्रीको सपथ लिएका लामाले आइतबार सिंहदरबार पुगी पदभार ग्रहण गरेका हुन् । पदभार कार्यक्रममा मन्त्री लामाले युवा तथा खेलकुद क्षेत्रको विकासका लागि भूमिका निर्वाह गर्ने बताए । उनले आफ्नो कार्यकालमा परिणाममुखी योजनाका साथ काम गर्ने धारणा राखे ।
मन्त्री लामाले खेल क्षेत्रको यसअघिको कार्ययोजनालाई पनि आफूले प्राथमिकतामा राख्ने भन्दै सबैको सहयोगको अपेक्षा राखेको बताए । त्यसअघि मन्त्रालयमा निवर्तमान खेलकुदमन्त्री जगतबहादुर विश्वकर्मालाई विदाई गरिएको थियो ।
विदाइ कार्यक्रममा विश्वकर्माले खेल क्षेत्रमा धेरै काम गर्न बाँकी रहेको बताए । उनले पहिलेको अवस्थामा भन्दा अहिले नेपालमा खेल क्षेत्रमा महत्वपूर्ण परिवर्तन भएको बताए ।
विश्वकर्मालाई मन्त्रालयका सचिव रामप्रसाद थपलिया, राखेपका सदस्यसचिव रमेश सिलवाल लगायतले विदाई गरेका थिए ।
