मेसीले तोडे पेलेको रेकर्ड
स्पेनिस क्लब बार्सिलोनाका अर्जेन्टाइन फरवार्ड लिओनल मेसीले ब्राजिलका महान् खेलाडी पेलेको रेकर्ड तोडेका छन् ।
मेसीले ला लिगाअन्तर्गत मंगलबार भएको खेलमा रियल भालडोलिडविरुद्धको खेलमा गोल गर्दै पेलेको रेकर्ड तोडेका हुन् । खेलमा बार्सिलोना ३ शून्यले विजयी भयो । मेसीले ६५ मिनेटमा टिमका लागि तेस्रो गोल गरेका थिए ।
गत शनिबार मेसीले एउटै क्लबका लागि पेलेले बनाएको सर्वाधिक गोलको कीर्तिमानसँग बराबरी गरेका थिए । गत शनिबार बार्सिलोनाका लागि करियरको ६४३औं गोल गर्दै मेसीले उक्त कीर्तिमान बराबरी गरेका थिए ।
मंगलबार गोल गरेसँगै मेसीले करिअरको ६४४औं गोल गरे र पेलेको कीर्तिमानलाई पछि पारेका छन् । पेलेले ब्राजिलियन क्लब सान्तोषमा १८ वर्ष बिताउँदै ६५६ खेलमा ६४३ गोल गरेका थिए । सन् २००४ मा डेब्यू गरेयता पुरै करिअर बार्सिलोनामा बिताएका मेसीले १० लिग उपाधि, ४ च्याम्पियन्स लिग उपाधिसहित ३४ मुख्य उपाधि जितेका छन्।
