विश्व चर्चित फुटबलर म्याराडोनाको निधन
चर्चित फुटबलर डिएगो म्याराडोनाको निधन भएको छ । उनको ६० बर्षको उमेरमा हृदयघाटबाट निधन भएको हो । पछिल्लो पटक उनको मस्तिस्कको शल्यक्रिया भएको थियो । दुई साता अघिमात्र शल्यक्रिया गरिएको म्याराडोनाको अचानक निधन भएको हो । फुटबलको इतिहासका महान् खेलाडीको सूचीमा रहेका म्याराडोनाको चर्चा जहिले पनि हुने गरेको थियो ।
खेलाडी जीवनमा खेलका कारण चर्चामा रहेका म्याराडोना सन्यासपछि उनको बानीका कारण चर्चामा रहे । आफ्नै छोरी भन्दा कान्छी केटीलाई प्रेमीका बनाएको कुरा होस् या अत्याधिक लागूऔषध र मादकपदार्थको सेवन गरेर होस् यी सबै चर्चामा रहे । तर अत्याधिक लागूऔषधको प्रयोगका कारण उनी बारम्बार अस्वस्थ हुँदै उपचार गर्नुपरेको थियो ।
सन् १९८६ को विश्वकप अर्जेन्टिनालाई दिलाएका म्याराडोनाले सोही विश्वकपमा इंग्ल्याण्डविरुद्ध गरेको त्यो गोल जहिले पनि चर्चामा रहेको छ । त्यो विश्वकप पछि उनले ह्याण्ड अफ गडको उपनाम पाएका थिए ।
