जापानको आईस हक्की संघले नेपालमा आईस हक्कीको विकासको लागि सबै किसिमको सहयोग गर्ने
काठमाडौं । नेपाल आईस हक्की संघका महासचिव गणेश रिमालले जापान भ्रमणको सिलसिलामा जापान आईस हक्की संघका अन्तर्राष्ट्रिय कमिटीका अध्यक्ष कुमिहारू कितागावा,अन्तर्राष्ट्रिय कमिटीका सदस्यहरू मासाटाका मोरिता,हिरोताका सिगुसा तथा जापान आईस हक्की संघका पदाधिकारी सदस्यहरूसंग भेट गरेका छन् ।
भेटमा नेपालजापान आईस हक्की संघको आपसी सम्बन्ध,नेपालमा आईस हक्कीको विकास,खेलाडीहरूको तालिम,नेपालमा आईस रिङ्कको निर्माणको लागि सहयोग,तथा दुई देशका पदाधिकारी तथा खेलाडीको नेपालजापान भ्रमण सम्वन्धमा महत्वपूर्ण छलफल गरेका छन् ।
छलफलमा जापान आईस हक्की संघका अन्तर्राष्ट्रिय कमिटी अध्यक्षले जापान आईस हक्की संघ नेपालमा आईस हक्कीको विकासको लागि सवै किसिमको सहयोग गर्न तयार रहेको वताए ।
सो अवसरमा नेपाल आईस हक्की संघका महासचिव रिमालले नेपालमा आईस हक्की खेलको लागि प्राकृतिक तालहरू रहेको र यस्को विकास विस्तार गर्न सकिए पर्यटकको आगमनले नेपालको विकासमा समेत टेवा पुग्ने कुरा वताए । महासचिव रिमाल केही दिनको जापान भ्रमणमा छन् ।
