ओपन स्क्वास प्रतियोगिता शुक्रबारबाट सुरु

पीआरसी ओपन स्क्वास प्रतियोगिता शुक्रबारबाट सुरु हुने भएको छ । आयोजक नेपाल स्क्वास संघले बुधबार काठमाडौंमा पत्रकार सम्मेलन गर्दै प्रतियोगिता फागुन २३ देखि २७ गतेसम्म हुने जानकारी गराएको छ ।

सातदोबाटोस्थित स्क्वास हलमा हुने प्रतियोगितामा पुरुष खुल्ला, महिला खुल्ला र मास्टर ४५ वर्ष भन्दामाथि गरी ३ विधामा प्रतिस्पर्धा हुनेछ । पशुपति रोड क्यारियरको मुख्य प्रायोजन रहेको प्रतियोगितामा बेलायतको ब्रिटिस गोर्खा आर्मीका १० खेलाडी गरि कुल ६० जना खेलाडीहरुको सहभागिता रहने संघका सचिव शम्भु तन्डुकारले जानकारी दिए । आयोजकले जनाएको छ । विजेताले ट्रफी, मेडल तथा प्रमाणपत्र पाउने छन् ।