चितवन प्रिमियर लिग (सिपिएल) क्रिकेट प्रतियोगिता सुरु
चितवन । नारायणगढको क्याम्पाचौरमा पहिलो संस्करणको सिएमसी चितवन प्रिमियर लिग (सिपिएल) क्रिकेट प्रतियोगिताको सुरु भएको छ । शुक्रबारदेखि पहिलो संस्करणको क्रिकेट प्रतियोगिताको सुरु भएको हो ।
प्रतियोगिताको राष्ट्रिय खेलकुद परिषदका सदस्य सचिव रमेशकुमार सिलवालले उद्घाटन गरे । २५ गतेसम्म चल्ने प्रतियोगितामा चितवनका ५ टिमहरु भरतपुर गुर्खाज, सौराहा स्याण्ड्स, राप्ती र्यापिडस,माडी टाइगर्स र इच्छाकामना वारियर्सको सहभागिता रहेको छ । प्रतियोगितामा सहभागी टिमले दुई जना राष्ट्रिय खेलाडी (अन्डर १९) अनिवार्य र तीन जना स्थानीय खेलाडी अनिवार्य राख्नुपर्नेछ । प्रतियोगिताको विजेताले रु दुई लाखसहित ट्रफी प्राप्त गर्नेछ भने उपविजेताले रु एक लाखमा चित्त बुझाउनेछ । यस्तै बिभिन्न बिधामा उत्कृष्ट हुने खेलाडीहरुले पनि पुरस्कार प्राप्त गर्नेछन्।
प्रतियोगिताको उत्कृष्ट खेलाडी, उत्कृष्ट बलर, उत्कृष्ट ब्याट्सम्यान र उत्कृष्ट अलराउण्डरले पनि पुरस्कार प्राप्त गर्नेछन् । हरेक दिनको म्यान अफ दि म्याचले ट्रफी प्राप्त गर्नेछ ।
