एमसीसीविरुद्ध नेपालको जित
काठमाडौं । नेपाल भ्रमणमा रहेको एमसीसीविरुद्ध नेपाली राष्ट्रिय क्रिकेट टोलीले ५ विकेटले जित निकालेको छ । एमसीसीले दिएको २०२ रनको लक्ष्य नेपालले ३८ ओभरमा ५ विकेट गुमाउँदै जित निकालेको हो ।
नेपालको जितमा विनोद भण्डारीले सर्वा्धिक ५२ रनको योगदान गरे । यस्तै पवन सराफले ३२ रन बनाए । यसअघि पवन सराफ र ललितनारायण राजवंसीले ४–४ विकेट लिएका थिए ।
पहिले ब्याटिङ गरेको एमसीसीका लागि विल रोडसले ५४ रन बनाए । त्यस्तै, ओपनर विल्ली गोड्लेम्यानले ५२ रन बनाउँदै अर्धशतक पूरा गरेका थिए।
