बाढीपहिरोले बेहाल(फोटोफिचर)
काठमाडौं । तीन दिनदेखिको अविरल वर्षाका कारण अहिले देशभरको जनजीवन प्रभावित भएको छ । अबिरल वर्षापछिको बाढीले दश जना भन्दाबढीले ज्यान गुमाए छन् भने केही बेपत्ता भएका छन् ।
बाढी पहिरोले कयौंको घरबास उठाएको छ भने बालीनाली लगाएको जमिन कटान गरेर लगेको छ । त्यस्तै दर्जनौं सडक अवरुद्ध भएका छन् ।
दाङ, २३ असारः
दाङको घोराही उपमहानगरपालिका–७ स्थित बेलहरीवासीको बबई नदीको बढीले डुबाएको रोपाइँ गर्न राखेको धानको ब्याड र मकै खेती । अविरल वर्षाका कारण दाङको बबई नदीमा १० वर्ष पछि ठूलो बाढी आएको स्थानीय बुढापाका बताउँछन् । तस्बिरः कुलदीप न्यौपाने÷रासस
दाङ, २२ असार :
अविरल वर्षाका कारण शनिबार जलमग्न बनेको दाङको घोराही उपमहानगरपालिका क्षेत्रका खोला तथा खेत । तस्बिर : कुलदीप न्यौपाने/रासस
दमौली (तनहुँ), २३ असार :
तनहुँको शुक्लागण्डकी नगरपालिका–६ शान्तिकुनास्थित शिवाल मन्दिर परिसर र प्रगति टोलमा शनिबार वर्षाले पहिरो गएपछि त्रिपालले छोपेर राखिदै । पहिरोले जनसेवा मोटरमार्गमा क्षति पुग्नुका साथै बस्ती जोखिममा परेको छ ।तस्बिर : कृष्ण न्यौपाने/रासस
दमौली (तनहुँ), २३ असारः
तनहुँको शुक्लागण्डकी नगरपालिका–७ काउरेमा शनिबार पहिरोले घर पुरिएर बेपत्ता भएकाको आइतबार बिहान खोजी गरिँदै । पहिरोमा पुरिएर बेपत्ता एक महिलाको शव भेटिएको छ भने दुई जना बेपत्ता छन । तस्बिरः कृष्ण न्यौपाने/ रासस
डुम्रे (तनहुँ), २३ असारः
पृथ्वी राजमार्गअन्तर्गत तनहुँको म्याग्दे गाउँपालिका–४ मनहरीमा फसेका सवारीसाधन । शनिबारदेखि अवरुद्ध सडक आइतबार बिहान एकतर्फी सञ्चालनमा आए पनि सवारीसाधन फस्ने भएकाले वैकल्पिक रुपमा दमौलीको भोर्लेटार चोकबाट लमजुङको दुईपिप्ले हुँदै कास्कीको देउरालीको बाटो प्रयोग गर्न आग्रह गरिएको छ । तस्बिरः मिला दरै÷रासस
मस्र्याङदी नदीमा बाढी
अविरल वर्षापछि मस्र्याङदी नदीमा आएको बाढी । नदीमा पानीको बहाव बढेसँगै मनाङ सदरमुकाम आसपासका क्षेत्रमा उच्च सतर्कता अपनाउन जिल्ला प्रसासन कार्यालयले सर्वसाधारणलाई आग्रह गरेको छ । तस्बिर : नवीन लामिछाने/रासस
बबई नदीमा आएको बाढी
अविरल वर्षाका कारण बबई नदीमा आएको बाढी । बबई नदीमा तटबन्ध नहुँदा राप्ती राजमार्गअन्तर्गत तुलसीपुर—अमेलिया सडकखण्ड तुलसीपुर उपमहानगरपालिका—१२ को बरिया गाउँ जोखिममा परेको छ । तस्बिरः नारायणी रजौरे/रासस
नारायणगढ, २२ असार : गएरातिदेखि अविरल बर्षाका कारण नारायणगढस्थित नारायणी नदीमा आएको बाढी । यतिबेला नारायणी नदी देवघाट जलमापन केन्द्रमा जल सतहले सतर्कता तह पार गरी खतरा उन्मुख रहेको छ । तस्बिर : सनद अधिकारी/रासस
मध्यपहाडी लोकमार्गमा पहिरो
रुकुम पूर्वमा पहिरोका कारण अवरुद्ध भएको मध्यपहाडी लोकमार्ग । अविरल वर्षाका कारण शनिबार बिहान सडकमा पहिरो झरेपछि सवारी साधन सञ्चालन हुन सकेको छैन । तस्बिरः सर्जना कार्की/रासस
तुलसीपुर, २२ असारः
राप्ती लोकमार्ग अन्तर्गत तुलसीपुर–१२ शीतलपुरको पुलमुनि बबई नदीमा बढेको पानीको बहाव । तस्बिरःदीपक बोहरा/रासस
भरतपुर,२३ असारः
नारायणी नदीमा आएको बाढीले शनिबार राती बगाएको भरतपुर महानगरपालिका ३ स्थित नगरवनस्थित झोलुङ्गेपुल । बाढीले नगरवन क्षेत्रको जमिन समेत कटान गरेको छ । तस्बिरः कृष्ण आचार्य÷रासस
दाङ, २३ असारः
दाङको घोराही उपमहानगरपालिका–७ स्थित बेलहरीवासीको बबई नदीको बढीले डुबाएको रोपाइँ गर्न राखेको धानको ब्याड र मकै खेती ।अविरल वर्षाका कारण दाङको बबई नदीमा १० वर्ष पछि ठूलो बाढी आएको स्थानीय बुढापाका बताउँछन् । तस्बिरः कुलदीप न्यौपाने/रासस
