बलात्कार आरोपमा युवा संघका नेता पक्राउ
विराटनगर । बलात्कार आरोपमा नेकपा एमाले निकट युवा संघका बेलबारी नगर अध्यक्ष काशीराज तामाङ पक्राउ परेका छन् । २० वर्षीया युवतीको बलात्कार गरेको आरोपमा ३४ वर्षीय तामाङलाई नियन्त्रणमा लिइएको जिल्ला प्रहरी कार्यालय मोरङले जानकारी दिएको छ ।
पीडित भनिएकी युवतीले तामाङले आफूमाथि बलात्कार गरेको आरोपसहित किटानी जाहेरी दिएकी छन् । मोरङका प्रहरी प्रवक्ता एवं डीएसपी रन्जनकुमार दाहालले घटनाबारे सूक्ष्म अनुसन्धान गरिरहेको जानकारी दिए।
तामाङ मोरङको बेलबारी नगरपालिका–१० निवासी हुन् । बलात्कारको घटना गएको असार २ गते भएको बताइएको छ । रेस्टुरेन्ट सञ्चालक रहेका तामाङले त्यहीँ आफ्नो बलात्कार गरेको युवतीको आरोप छ । उनीविरुद्ध करणी मुद्दा चलाउन जिल्ला अदालत मोरङबाट म्याद थप गरिएको प्रहरीले जनाएको छ ।
