श्रोत नखुलेको साढे ३८ लाख रुपैयाँसहित धनुषामा एकजना पक्राउ
जनकपुरधाम । धनुषा प्रहरीले श्रोत नखुलेको साढे ३८ लाख ५० हजार नेपाली रुपैयाँसहित एक युवकलाई पक्राउ गरेको छ ।
विशेष सूचनाको आधारमा जनकपुरधाम उपमहानगरपालिका २१ कुर्थामा चेकजाँच गर्दा श्रोत नखुलेको ३८ लाख ५० हजार रुपैयासहित महोत्तरी भंगहा नगरपालिका १ बस्ने २१ वर्षीय युवक सुवमराज चौबेलाई प्रहरीले पक्राउ गरेको हो ।
निर्वाचन लक्षित खटिएको विशेष सुरक्षा योजना अन्तर्गत प्रहरी टोलीले एक यामाहा मोटरसाइकललाई चेकजाँच गर्दा १ हजार दरका २९ बण्डल र ५ सय दरका १९ बण्डल नेपाली रुपैयाँ बरामद गरिएको जिल्ला प्रहरी कार्यालय धनुषाका प्रवक्ता प्रदीपबहादुर क्षेत्रीले जानकारी दिएका छन् ।
बरामद गरिएको रकम आवश्यक कार्वाहीको लागि जनकपुर भन्सार कार्यालय धनुषामा पठाईएको र आरोपितलाई थप अनुसन्धानका लागि प्रहरी नियन्त्रणमा राखिएको जिप्रका धनुषाले जनाएको छ ।
