आँखा अस्पतालमा नक्कली बम राखेर तीन करोड फिरौती माग्ने गिरोह पक्राउ
काठमाडौं । पुरानो बानेश्वरस्थित मातृका आँखा अस्पतालमा नक्कली बम राख्ने समूहलाई प्रहरीले पक्राउ गरेको छ । फिरौती असूली गर्ने उद्देश्यले बम राखेको अभियोगमा प्रहरीले धादिङका २५ वर्षीय आशिष कुँवर, उनका भाइ अभिषेक कुँवर र होटल व्यवसायी रोल्पा घर भएका ४० वर्षीय अम्बरबहादुर रोका पक्राउ गरेको हो ।
उनीहरुलाई काठमाडौं प्रहरी परिसर, टेकुको टोलीले पक्राउ गरेको एसएसपी अशोक सिंहले जानकारी दिएका छन् । प्रहरीका अनुसार पक्राउ परेकामध्ये आशिषले सोही अस्पतालमा आँखाको शल्यक्रिया गराएका थिए र त्यसक्रममा उनी अस्पताल प्रशासन र डाक्टरहरुसँग परिचित भएका थिए ।
उनीहरुले अस्पताल र घर परिवार सुरक्षित राख्ने भए ३ करोड तयार गरी नागढुंगामा आउनु भनेर उनीहरुले धम्की दिएको अडियो पनि प्रहरीले फेला पारेको छ । उनीहरुलाई जिल्ला अदालतवाट अपराधिक लाभ (एक्सटर्सन) मुद्धामा म्याद थप गरि थप अनुसन्धान भइरहेको प्रहरीले जनाएको छ ।
