दुर्लभ वन्यजन्तुको अखेटोपहारको अबैध कारोबारमा संलग्न चिनियाँ गिरोह पक्राउ
काठमाडौं । काठमाडौंको ठमेलमा जुवातास खेलाउने चार जना चिनियाँ नागरिकलाई प्रहरीले पक्राउ गरेको छ । काठमाडौं महानगरपालिका १७ स्थित ज्याठा गल्लीभित्र होटल सञ्चालन गरी जुवातासको धन्दा चलाउने चिनियाँ नागरिकलाई ८ लाख ८९ हजार नेपाली रुपैयाँसहित महानगरीय प्रहरी परिसर काठमाडौंले पक्राउ गरेको हो ।
मंगलबार पत्रकार सम्मेलन गरी परिसरले उनीहरुलाई सार्वजनिक गरेको छ । परिसरका अनुसार पक्राउ परेका चिनियाँ नागरिकले आफ्नै होटल खोलेर इलेक्ट्रिक माध्यमको जुवा खेलाउँदै आएका थिए ।
प्रहरीले उनीहरुको साथबाट माजुङ भन्ने प्लास्टिकको गोटी र विद्युतीय टेबल, दुर्लभ बाघको छाला १ थान, कस्तुरीको विना २० थान, बुद्धचित्त ९ सय थान र रुद्राक्ष २ सय केजी बरामद गरेको छ ।