नेपाली सेनालाई अमेरिकाले दियो विपद् व्यवस्थापनका सामग्री
काठमाडौँ । अमेरिकाले नेपाली सेनालाई विपद् व्यवस्थापनमा प्रयोग हुने डुंगालगायत सामग्री सहयोग गरेको छ । नेपाली सेनाका अनुसार अमेरिकाले ‘आउट बोर्ड मोटर’ सहित चारवटा रेस्क्यु बोट (डुंगा) उपलब्ध गराएको हो ।
ती सामग्री सेनालाई अमेरिकाको रक्षा सहकार्यअन्तर्गत दिइएको हो । सेनालाई प्राप्त सामग्रीहरूको कुल लागत १० लाख डलर रहेको अमेरिकी राजदूतावासले जनाएको छ । अमेरिकी दूतावासअन्तर्गत रक्षा सहकार्य कार्यालयका प्रमुख मेजर माइकल ह्वाइटले उक्त सहयोग सामग्री नेपाली सेना विपद् व्यवस्थापन निर्देशनालयका निर्देशक सहायक रथी रामनाथ शर्मालाई हस्तान्तरण गरेका हुन् ।
सेनाका अनुसार अमेरिकी सहयोगका डुंगा बाढी–डुबानजस्ता विपद्मा उद्धार तथा राहत कार्यका लागि उपयोगी हुनेछन् ।
