गैँडाको आक्रमणबाट नवलपुरमा एक महिलाको मृत्यु
नवलपुर । नवलपरासी (बर्दघाट सुस्तापूर्व) नवलपुरमा गैँडाको आक्रमणमा परी बिहीबार एक जनाको मृत्यु भएको छ । नवलपुरको मध्यबिन्दु नगरपालिका–१२ मा गैँडाको आक्रमणमा परी ४४ वर्षीया पविसरा विकको मृत्यु भएको जिल्ला प्रहरी कार्यालयका प्रहरी नायब उपरीक्षक दिलीपकुमार गिरीले जानकारी दिए ।
बारीमा घाँस काट्न गएका समयमा गैँडाले उनलाई गैंडाले आक्रमण गरेको थियो । गैँडाको आक्रमणबाट विकको घटनास्थलमा नै मृत्यु भएको प्रहरीले जनाएको छ ।
